Ferma e kafshëve

Titulli: Ferma e kafshëve
Autori: George Orwell
Shqipëroi: Klodian Briçi
Shtëpia botuese: Pema
Fq. 144
ISBN: 978-9951-721-32-5

Të gjitha kafshët janë të barabarta, por disa kafshë janë më të barabarta se të tjerat.

Kur kafshët e shtypura të Fermës me saraje përmbysin pronarin e tyre, z. Xhounz, dhe e marrin vetë fermën në dorë, ato përfytyrojnë se kjo përbën fillimin e një jete me liri dhe barazi. Por, teksa elita dinake dhe e pashpirt që ndodhet në gjirin e tyre nis të marrë kontrollin, kafshët e tjera gjejnë veten të zënë në grackë pa pasur shpresë për t’u çliruar prej saj teksa një formë tiranie dora – dorës zëvendësohet me një tjetër.

Shkruar në fund të vitit 1943, por që pothuajse nuk u botua ngaqë sulmonte Stalinin, aleatin në kohë lufte të Britanisë, “përralla” therëse e Oruellit është satirë e idealizmit të pashkatërrueshëm dhe të përjetshëm që tradhtohet nga pushteti dhe korrupsioni.