Dekada përcaktuese – Përse të njëzetat kanë rëndësi dhe si të përfitojmë prej tyre tani

Libri: Dekada përcaktuese – Përse të njëzetat kanë rëndësi dhe si të përfitojmë prej tyre tani
Autor: Meg Jay
Botoi: Shtepia botuese Minerva
Perktheu: Eva S. Myftiu
Formati: 14×20
Faqe: 288
ISBN: 9789928186157

Ky libër flet për punën time me njëzetecavjeçarët, si psikologe klinike private në qytetin Sharlotsvil [Charlottesville], Virxhinia, e si profesore klinike në Universitetin e Virxhinias, po dhe më parë si mjeke në qytetin Berkli, Kaliforni, e si lektore në Universitetin e Kalifornisë, në Berkli. Nepër faqet e këtij libri kam bërë çmos për të rrëfyer historitë personale, herë-here prekëse, të klientëve dhe të studentëve që më mësuan për vitet e të njëzetave.

Për të mos u cënuar jetën vetjake, ua kam ndryshuar emrat dhe imtësitë e jetës. Në shumë raste, kam bashkuar në një ata me përvoja pak a shumë të njejta, me të cilët kam pasur seanca terapie dhe biseda të ngjashme. Shpresoj që çdo lexues njëzetecavjeçar i këtij libri të gjejë vetveten në rrëfimet e këtyre përvojave, por, natyrisht, çdo ngjashmëri me këtë apo atë të ri të kësaj moshe është e rastit.