Zana e fundit e bjeshkëve

Titulli: Zana e fundit e bjeshkëve

Tregime të zgjedhura për fëmijë

Autori: Flutur Fetai

Botoi: Syth , Tetovë ,

Redaktore : Vjollcë Berisha

UTIL Recensente : Dr. Esmije Veseli

U konsultua : Gent Saliu

Struktura grafike e librit dhe mbikëqyrja e shtypit Besnik Emini

Kopertina : Edona Aziri

Tirazhi : 518 faqe

Shtypur në shtypshkronjën ” Syth ”

Po të ftojmë në një botë rrëfenjash të këndshme , ku ti do të kesh dëshirë të rrish përgjithmonë . Ky libër është bileta jote për këtë botë të sajuar nga shumë autorë tregimtarë për fëmijë . Edhe mua , ndonëse e rritur , ende më pëlqejnë tregimet për vogëlushë . Seç kanë diçka magjike fshehur në gjirin e tyre , diçka që përzihet me kërshërinë fëmijërore mbi botën dhe me mënyrën si i përgjigjen fëmijët kësaj kërshërie grykëse . Shkrimtarët që zgjodhëm për ju janë ata që vazhdimisht kanë shpërfaqur përpara miqve të tyre të vegjël anën e vet më të ngrohtë , dellin çamarrok që e ruajnë të fshehtë brenda vetes që nga fëmijëria e largët , si dhe dijen që e kanë nxënë udhëkryqeve të jetës .
Në laryshinë e këtyre rrëfimeve do të zërë fill dashuria jote për prozën . Edhe në çastet kur bota jote do t’ia tejkalojë imagjinatës së autorëve të këtyre rreshtave , ata domosdo do të mbeten zbukurues të përhershëm të ëndrrave tua të vegjëlisë . Merr sa të mundesh e sa të duash prej tyre . Nuk i varfëron dot , pasi ata , me një kokëfortësi dhe magji përralle , shtohen më tepër , sa më shumë që të japin . T’i mund të jesh mjelës i përhershëm i këtij thesari me këtë libër e me të tjera që do ta banojnë bibliotekën tënde të sapoformuar . Gjuha jote , ëndrrat tua , po edhe shkrimet që do t’i bësh më vonë do të kenë një lidhje të çuditshme me leximet që ke bërë në këtë fazë të moshës sate . Uroj të kënaqesh e të na lëvdosh !