Vepra letrare e Esad Mekuli dhe kritika e saj

Libri: Vepra letrare e Esad Mekuli dhe kritika e saj
Autor: Fadil Grajçevci
Botoi: Instituti Albanologjik
Lektor: Hysen Matoshi
Foramati: 14x20cm
Faqe: 364
ISBN: 9789951596817

Vepra letrare e Esad Mekulit receptohet dhe qarkullon në mesin e lexuesve shqiptarë që nga Lufta e Dytë Botërore. Krijimet e tij letrare të para Luftës së Dyte Botërore, të shkruara e të botuara në serbisht, u bënë fakte letrare të letërsisë shqipe vetëm pas Luftës së Dytë Botërore, atëherë kur edhe u përkthyen në shqip. Ta studiosh, sot, veprën letrare të Esad Mekulit është punë edhe e lehtë edhe e vështirë.

Kur kemi parasysh numrin e madh të shkrimeve kritike për vepren e tij, që sigurisht janë disa qindra faqe: shënime të shkurtra, kritika, vështrime, artikuj, studime të ndryshme – puna për studimin e veprës së tij bëhet më e lehtë. Por, kur i lexon gjithë ato shkrime që janë një letërsi e tërë kritike vetëm për një autor, për veprën e të cilit dëshiron të thuash diçka të re, frika se do të përsëritesh shumëçka nga ato shkrime, punën e bën shumë të vështire.