Titulli: Shteti Shqiptar, nga Konferenca e Londrës në bashkimin me Italinë 1913-1939
Titulli origjinal: L’Albania dall’indipendenza all’unione con l’Italia 1913-1939
Gjinia: Histori
Autori: Amedeo Xhanini
Shqipëroi: Qemal Velija
Shtëpia botuese: Reklama
Numri i faqeve. 344
Amedeo Xhanini, diplomat dhe senator italian, ekspert konstitucionalist, i gjysmës së parë të shekullit 20, është i njihur si ndër autorët me kompetencë të spikatur tekniko-jurisike të legjislacionit ndërkombëtar.
Me përvojë të veçantë në botë akademike, ai njihet si autor i një sëri studimesh në fushën juridike konstitucionaliste ndërkombëtare.
Ky studim qe publikuar në vitin 1922 , fillimisht në revistën L’Europa Orientale ( nr . i janarit ) dhe pastaj veçan ( Napoli , bot . Ricciardi ) . U tërhoq me të shpejtë nga lexuesit dhe u prit mjaft mirë në Itali , në Shqipëri dhe qendrat shqip tare , e në vende të tjera . Qëndrimi i Italisë kundrejt Shqipërisë , siç qe para qitur nga unë , duke bërë që të dalë në pah nga ngjarjet , të inkuadruara qartas e të rrëfyera në mënyrë të paanshme , u shfaq me një spikamë disi ndryshe nga ajo çka ishte paraqitur zakonisht . Mendoj se risia e mëtuar ka ardhur vetëm si pasojë e faktit se , në rrjedhën e pështjelluar të ngjarjeve që jetojmë , humbasim lehtësisht fillin e linjës historike të fakteve dhe besojmë se i zotërojmë pa u thelluar në to . Sidoqoftë , ajo që ka rëndësi është se studimi im ishte bindës dhe në njëfarë mënyrë iu solli dobi edhe marrëdhënieve mes dy vendeve . Kam qenë në mëdyshje për një kohë të gjatë nëse ia vlente ta ribotoja vetëm për faktin se tirazhi ishte shitur tërë sisht ; por , më së fundi , kam gjykuar se mund të ishte ende i dobishëm , së paku për studiuesit . Natyrisht , pasi vendosa ta ribotoja , e kam riparë , korrektuar , plotësuar dhe zgjeruar disi . Do kisha dashur ta dokumentoja gjerësisht , aq më tepër që nuk është e lehtë të hulumtohen të gjithë dokumentet që kam shfrytëzuar , por moria e këtyre do ta rriste në mënyrë të atillë vëllimin , sa ta bënte tekstin të dukej pothuaj si një rrëke.
