Hyrje konceptuale ne filozofi

Libri: Hyrje konceptuale ne filozofi
Autor: Ekrem Murtezai
Botoi: Akademia e Shkencave dhe e Arteve e Kosovës
Lektor: Ganimet Klaiqi
Formati: 16X24cm
Faqe: 390
ISBN: 9789951615433

Sikurse në çdo shkencë tjetër, ashtu edhe në filozofi, për më tepër, veçanërisht në filozofi, hyrja fillon me shpjegimin e fjalës, perkatësisht të emrit të shkencës në fjalë. Po themi se kjo vlen veçanërisht për filozofinë, ngase duke e shpjeguar zanafillën dhe domethënien e kësaj fjale, ne, në të vërtetë, shpjegoimë shumëcka lidhur me esencën dhe natyrën e filozofisë si fushë e posaçme e diturisë dhe e krijimtarisë shpirtërore të njeriut. E, pra, të shohim se nga kanë ardhur fjalët “filozofia” dhe “filozof” dhe ç’domethënie kishin ato në fillim dhe për një kohë më të gjatë, dhe a vlejnë edhe sot e kësaj dite këto domethënie. Fjala “filozofia” , sikurse edhe shumë fjalë të tjera nga fushat e ndryshme shkencore, siç janë “botanika” “zoologjia” ‘, “fizika” ‘, “matematika”, “antropologjia” ‘, “patologjia” “psikologjia”‘ pedagogjia” etj. rrjedh nga gjuha e lashtë greke dhe përbehet nga këto dy fjale: “philein” që do të thotë “të duash” “të dashurosh”, “të anosh” ‘, përkatësisht “philia” që do të thotë “dashuri” apo “dashamirësi”, synim, anim etj., ndaj ndokujt apo ndaj ndonjë gjäje, dhe “sophia” që do të thotë “urtësia” apo “mençuria”.