Titulli: Kujtimet e mia nga politika
Titulli i Origjinalit : Sultan Abdülhamit SIYASÎ HATIRATIM Dergah Yayınları , İstanbul , 1999
E përktheu nga turqishtja : Altin Qefalia
Redaktor : Ali Pajaziti
Redaktor gjuhësor : Edison Çeraj
Përgatiti për shtyp : Bashkim Avdiu
Botoi : Sira Prishtinë ,
Libri që keni në duar botohet për herë të parë në Turqi . Kështu , pra , në të njëjtën kohë , u botua edhe libri i dytë me kujtimet e sulltan Abdylhamitit . Siç dihet , për herë të parë kujtimet e sulltan Abdylhamitit u botuan me germat e vjetra në ” Revistën e Komisionit Turk të Historisë ” nga ana e një njeriu të besueshëm , siç ishte Mahmut Qemali dhe më pas , bashkë me disa shtesa , ky libër u botua me titullin ” Fletorja e kujtimeve të Abdylhamitiť ” * nga ana e një shtëpie botuese . Kjo vepër e botuar me germa latine u gjet midis dokumenteve në Pallatin Jëlldëz nga Mahmut Qemali dhe përbëhet nga kujti met e botuara pjesë – pjesë në “ Revistën e Komisionit Turk të Historisë ” , duke përfshirë një fletore të vogël për të cilën pretendohet se i përket Abdylhamitit . Në fakt , kjo vepër e botuar me kujtimet e para të Abdylhamitit nuk konsiderohet plotësisht si një libër me kujtime . Ndonëse , në të vërtetë , nuk ka dyshim se fjalët që gjenden në këtë vepër i përkasin Abdylhamitit , përmbajtja e saj është e cekët dhe përfshin ngjarjet e një periudhe të kufizuar . Shkaku për këtë gjë është se padishahu , kur gjente kohë mbas punëve të shtetit , . Fletorja e kujtimeve të Abdylhamitit , Shtëpia botuese Selek , 1960 .
Ne jemi të lumtur që për herë të parë lexuesit do të kenë në dorë këto kujtime të sulltan Abdylhamitit dhe besojmë se kjo vepër do të ndihmojë në zgjidhjen e disa pikave që janë të papajtueshme të historisë sonë të afërme , e cila akoma nuk ka dalë në dritë . Në këtë mënyrë , kjo vepër do të jetë një udhërrëfyes për hulumtuesit e historisë së afërme dhe do të jetë gjithashtu një burim që do t’u hapë rrugë vlerësimeve më objektive . Botimet ” Dergah “
