Autor: Hamza Yusuf
Botues: AJAN
“Shenjat dhe shërimi i lëngatave shpirtërore të zemrës…” Përkthimi dhe shpjegimi i poemës së Imam Mawlud “Lëngat e zemrës”
Për një kohë të gjatë, në Perëndim mendohej se truri është qendra e vetëdijes. Por, në mendimin islam – si dhe në tradita të tjera- zemra shihet si thelbi i qenies sonë. Kurani, për shembull flet për njerëzit e pabindur të cilët kanë zemra më të cilat nuk kuptojnë (7:179).
Poashtu, Kurani përmend njerëz të cilët përqeshnin Profetin dhe ishin plotësisht të pasinqertë në dëgjimin e mesazhit të tij, prandaj Zoti në zemrat e tyre vendosi mbulesë që të mos kuptojnë dhe në veshët e tyre shurdhim që të mos dëgjojnë (Kuran, 6:25). Paftësia e tyre për të kuptuar është devijim nga funksioni shpirtëror i zemrës, ashtu siç janë shurdhuar veshët e tyre me shurdhim shpirtëror. Pra, nga kjo kuptojmë seselia e intelektit, qendra e vetëdijes njerëzore dhe e ndërgjegjes është në fakt zemra e jo mendja.
Vetëm kohët e fundit kemi kuptuar që ka mbi 40,000 neurone në zemër. Me fjalë tjera, ka qeliza në zemër të cilat komunikojnë me trurin.
