Autori: Dr. Ali Muhamed Sallabi
Sahabët e të Dërguarit të Allahut ishin brezi më i mirë i njerëzve që ka jetuar në fytyrë të Tokës, epitet ky, të cilin ua dha Krijuesi Dijeplotë dhe i Dërguari i Tij fisnik . Prandaj gjejmë tekstet hyjnore të ndalojnë cënimin e nderit dhe dinjitetit të këtyre kolosëve, të cilët flijuan çdo gjë për të mirën e njerëzimit. Megjithatë, përgjatë historisë shohim personazhe që kanë shkelur këtë shenjtëri duke fyer dhe ofenduar shokët e Pejgamberit fisnik . Shumica e këtyre kanë një gjë të përbashkët: hapi i parë i tyre është shkelja e nderit të Muavi ibn Ebu Sufjanit – Allahu qoftë i kënaqur me të! –
Jo rastësisht dijetarët muslimanë kanë thënë: “Muaviu është perdeja e sahabëve të Muhamedit , ai që e zbulon perden, merr guxim të fyejë çfarë ka pas saj.” Kështu Allahu Urtiplotë e ka bërë Muaviun shenjë dalluese mes zemrës së shëndoshë dhe asaj të sëmurë.
Ai që shkruesi besnik i Pejgamberit të Allahut , mbreti i arabëve, pranë të cilit u gjunjëzuan dhe u thyen perandoritë, dhe me të cilin Islami triumfoi dhe u përhap në çdo anë të botës.
