Një baba e gjysmë

Një baba e gjysmë – Vjersha të zgjedhura për fëmijë

Botimet Syth , Tetovë , 2019

Redaktore : Xhemazije Rizvani

U konsultua : Gent Saliu

Struktura grafike e librit dhe mbikëqyrja e shtypit : Besnik Emini

Kopertina : Edona Aziri

Font shkronje : Adobe Caslon

 Shtypur në shtypshkronjën ” Syth “

Faqe 143

I dashur lexues:

Po të jap në duar një zgjedhje të vogël me vjersha të autorëve bashkëkohorë shqiptarë . Vetëm një grusht prej tyre , vetëm aq sa do të mjaftonte të të bëj kureshtar për të kërkuar edhe libra të tjerë në raftet e bibliotekave a librarive , atij universi të cilit i përket natyrshëm dhe tek i cili do të doja të qëndroje përgjithmonë . Vjershat e këtij libri do të ta hapin një shteg drejt kësaj gjithësie me emrin letërsi . Më bëhet tek të shoh si po kënaqesh me rimat e me ritmet , që e di se kanë për të të robëruar përjetësisht , ashtu siç kanë për të të mbajtur peng këto tema të ëmbla që do t’i gjesh nëpër vjersha , tek të cilat edhe gjërat e ashpra sheqerosen dhe ta ëmbëlsojnë ty jetën . Disa nga këto vjersha qenë vargjet e fëmijërisë sime . Po i sjell këtu për ty , jo vetëm për ta freskuar një kujtim timin , por ngaqë tek ato jam më e sigurt . Më kujtohet si më kanë mbështjellë mua dikur dhe e di se kanë për të ardhur me besnikëri edhe te ti . Shumë prej tyre ke për t’i lexuar edhe disa herë , derisa të nguliten në mendjen e fjalorin tënd aq shumë , sa pothuajse të gjitha mendimet e tua të mëvonshme do ta vazhdonë një miqësi të fshehtë me to edhe kur të rritesh . Do t’ia kesh borxh letërsisë mendimet e tua të mira , anën tënde të butë , pikën e dobët , ëndërrat e bukura , shumë hartime të shkollës të shkruara me lehtësi.