Libri: Folklori përtej kufijve
Autore: Arbnora Dushi
Botoi: Instituti Albanologjik
Lektor: Sali Bytyci
Formati: 14x20cm
Faqe: 376
ISBN: 9789951596428
Me sintagmën “Folklori përtej kufijve” nënkuptohet qasja “e pakufizuar” ndaj materies folklorike, e që në këtë rast fjala është për qasjen përtej kufijve të njohur të përkufizimit të kësaj materieje në folkloristikën shqiptare, pra përtej kufijve të objektit të vet.
Duke u ndërlidhur herë me sociologjine, herë me historinë, herë me letërsinë dhe kulturën materiale, studimi që i bëhet materies folklorike i kalon kufijtë e ngushtë të definimit tradicional të tij dhe kalon në domenin e multidisiplinaritetit. Me këtë rast është bërë një përpjekje që të sfidohet qasja e deritanishme, sipas së cilës folklori është trajtuar brenda materies së tij, brenda lëndës që ofron.
