Libri: Menaxhmenti strategjik – krijimi i avantazhit konkurues
Autori: Izet Zeqiri
Botoi: Botime Artini
Recensent: Berim Ramosaj dhe Brikend Aziri
Lektor: Ismet Osmani
Para lexuesve ndodhet botimi i parë i librit Menaxhimi Strategjik, analizë, formulim, implementim dhe kotrollë strategjike, që paraqet një tendence të parë më serioze për të pajisur studentët dhe lexuesit tjerë me njohori të përgjithshme dhe gjithëpërfshirëse në leminë e menaxhimit strategjik dhe shkencave organizative. Ky libër paraqet një rezultat të punës shumë vjeçare të autorit dhe diturisë së fituar në fushën e menaxhmentit, menaxhmentit strategjik dhe lidershipit.
Ky libër u mundëson menaxherëve që të reagojnë në mënyrë proaktive ndaj ndryshimeve, me qëllim që t’i pranojë ndryshimet nëpërmjet një rruge të planifikuar që më parë. Pikërisht menaxhmenti strategjik i mundëson menaxherëve, që nëpermjet të një procesi të studiuar mirë, që do të bazohej në një analizë të punës dhe të vështirësive, rreziqeve dhe opurtuniteteve që ofron e ardhmja e kompanisë, të mund t’i rrisë shanset për të bërë më pak gabime dhe për të sjelle efekte të ndjeshme pozitive për kompanine apo biznesin.
